Radhë të gjata në kufi, kosovarët mësyjnë bregdetin shqiptar

Në Kosovë dhe Shqipëri, temperaturat janë mbi 37 gradë Celsius. Këto temperatura si duket ka bërë që shumë kosovarë t’i drejtohen plazheve të Shqipërisë, transmeton albinfo.ch.

Sipas të dhënave të Ministrisë së Punëve të Brendshme, në dalje të Kosovës, në pikën kufitare të Vërmicës janë krijuar kolona të gjata deri në 150 metra.

Kujtojmë se vetëm në fillim të muajit qershor në pikën kufitare të Vërmicës u regjistruan mbi 30 mijë pushues nga Kosova që iu drejtuan bregdetit shqiptar.

Edhe pse është vitit i dytë i pandemisë qytetarët nga Kosova shihen si shpëtim i turizmit në Shqipëri.