Rama kritikon BE-në: Nuk ka të ardhme pa Ballkanin në BE

Kryeministri i Shqipërisë, Edi Rama,u shfaq i ashpër ndaj BE-së gjatë fjalimit të tij në “Forumin Strategjik të Bled” që po mbahet në Slloveni

Duke folur për integrimet evropiane, Rama tha se Evropa nuk ka asnjë të ardhme nëse nuk anëtarësohen vendet e Ballkanit Perëndimor në BE.

“Ne jemi Evropë dhe nuk ka asnjë të ardhme të Evropës pa Ballkanin në BE. Ne mund të qeshim edhe kur vuajmë, çfarë pjesëtarët e BE-së nuk janë në gjendja ta bëjnë. Nëse BE do të vijojë kështu, natyrisht nuk do jetë mirë për ne, por do jetë më keq për BE-në, më besoni”, tha Rama.

Shefi i qeverisë shqiptare u shpreh se qasja që po ndjek Evropa sa i takon integrimit nuk ka lidhje me ëndrrën e etërve që krijuan BE-në.

Për më tepër, Rama i kërkoi presidentit bullgar të tërheqë veton për Shqipërinë e Bullgarinë.

“Do t’i kërkoj presidentit të Bullgarisë: Ju bullgarët mos jini kaq tipik të BE, bëhuni ballkanas, hapni rrugën bisedimeve. Na lini të flasim me ta dhe ju pastaj mund të bëheni ballkanik dhe të dilni dhe të bëni pengesa”, theksoi Rama.

 

---