Tenori kosovar Rame Lahaj do të performojë sot, më 8 nëntor, në Großer Saal të Wiener Konzerthaus në Vjenë, në kuadër të turneut ndërkombëtar “PASSION & ORIGIN”.
I shoqëruar nga ARMA Ensemble, Lahaj do të sjellë një repertor që ndërthur këngët shqiptare me disa prej pjesëve më të njohura të muzikës ndërkombëtare.
Turneu nisi më 10 tetor në Cyrih, ndërsa ndalesa e dytë ishte Dyseldorfi, ku koncerti u mbajt më 30 tetor. Pas Vjenës, Lahaj dhe ARMA Ensemble do të vazhdojnë turneun në Toronto, më 13 dhjetor.
Koncerti në Wiener Konzerthaus nis në orën 19:00, ndërsa biletat mund të sigurohen përmes faqes zyrtare të artistit www.ramelahaj.com
