Rashica i ka bërë të gjithë për vete

Tashmë është e sigurt se në Bundesligë po shkëlqen një yll e ky është Milot Rashica

Pak vite më parë po luante në Vushtrri, derisa tashmë është yll në Gjermani. Ky është rrugëtimi i Milot Rashicës për pak vite. Ai mbetet shembull edhe për të rinjtë se me punë mund të arrihet çdo gjë, shkruan albinfo.ch.

Rashica kaloi nga Vushtrria në Twente, dhe pasi shkëlqeu në Holandë u transferua në Gjermani te Werder Bremen.

Pas një fillimi të vështirë, futbollisti shqiptar është adaptuar dhe është shndërruar në futbollistin kyç të skuadrës gjermane.

Në ndeshjen e fundit ndaj Bayernit, ai asistoi dhe shënoi një super gol, por skuadra e tij fatkeqësisht u eliminua.

Sidoqoftë, forma e tij është e jashtëzakonshme nga janari i këtij viti. Ai kishte shënuar edhe ndaj Dortmundit, e më pas edhe në Bundesliga.

Tashmë është e sigurt se në Bundesligë po shkëlqen një yll e ky është Milot Rashica. E ardhmja e tij duket se është e sigurt.

---