Rastet e reja me COVID-19 bien ndjeshëm në javën e dytë të bllokimit në Francë

@franboloni

Infeksionet e reja me COVID-19 dhe pranimet në spital ranë ndjeshëm në fund të javës së dytë të një bllokimi të ri mbarëkombëtar në Francë, treguan të dhënat e Ministrisë së Shëndetësisë të premten.

Ministria raportoi 23,794 raste të reja të konfirmuara me COVID-19 në 24 orët e fundit, nga 33,172 të enjten dhe krahasuar me 60,486 të premten e kaluar.

Numri i njerëzve që shkojnë në spital me virusin ra në 24, nga 737 të enjten dhe numri i njerëzve që shkuan në kujdes intensiv ra në vetëm katër, nga 96 të enjten dhe më shumë se 100 në çdo ditë javën e kaluar.

Numri i vdekjeve nga koronavirusi në spitale u rrit paksa në 456 nga sa ishte 425 të enjten, shkruan “Reuters”, përcjell albinfo.ch.