Referendum për anëtarësimin e Kroacisë në BE

Kroacia nis fushatën për referendumin për BE-në, në kuadër të së cilës janë shtypur rreth dy milionë broshura për Bashkimin Evropian

Kryeministrja e Kroacisë, Vesna Pushiq, iu bëri thirrje qytetarëve që të mbështesin anëtarësimin e vendit në BE, përmes referendumit që mbahet në këtë muaj, duke filluar kështu edhe zyrtarisht fushatën.

“Vendimi nëse Kroacia i përket politikisht Evropës, siç i përket gjeografikisht, historikisht dhe kulturalisht, merret në referendum”, ka thënë Pushiq, transmeton REL.

Në kuadër të fushatës janë shtypur rreth dy milionë broshura mbi BE-në, që do të shpërndahen shtëpi për shtëpi, ndërsa do të hapet edhe një linjë telefonike për infomacione të qytetarëve.

Ish-republika jugosllave, e pavarur që nga vitit 1991, ka nënshkruar traktatin e anëtarësimit në dhjetor. Lëvizja shtroi rrugën për t’iu bashkuar bllokut më 1 korrik të 2013-ës