Rona përfaqëson Shqipërinë në Eurovision

Ajo është këngëtarja e parë nga Kosova që zë vendin e parë në Festivalin më të madh të Shqipërisë

Pjesëmarrjen e ka siguruar duke fituar vendin e parë në Festivalin e 50-të të Këngës në radiotelevizion, që u mbajt sonte në Tiranë. Kënga fituese “Suus” është kompozuar nga kompozitori Florent Boshnjaku.    Dy konkurrentët e drejtpërdrejtë të Ronës ishin Elton Deda, që zuri vendin e dytë dhe Sajmir Braho, të tretin.   Rona Nishliu është këngëtarja e parë nga Kosova që zë vendin e parë në Festivalin më të madh të Shqipërisë, në të cilin, nga fillimi i viteve `90 marriun pjesë edhe këngëtarë nga Kosova. Pas Anjeza Shahinit, Ledina Çelos, Luis Ejllit, Frederik Ndocit, Olta Bokës, Kejsi Tolës dhe Juliana Pashës, Aurela Gaçe , Rona Nishliu bëhet këngëtarja e nëntë që përfaqëson Shqipërinë në Festivalin Evropian të Këngës, “Eurovizion”.

Shqipëria ka filluar të marrë pjesë në këtë festival që nga viti 2004.