Rrëfimi prekës i italianes për Shqipërinë

Ajo është e lidhur me Shqipërinë dhe thotë se një pjesë e saj gjithmonë do të mbetet në Shqipëri

E ftuar në studion e “Ftesë në 5” me Bieta Sulon, ishte Motër Matilde, 80-të vjeçarja italiane që shërbeu për më shumë se dy dekada në Gjirokastër e tashmë po rikthehet në vendin e saj të origjinës.

Që prej vitit 1996, Motër Matilde u zhvendos së bashku me dy motra të tjera në lagjën “Palorto”, në Gjirokastër, për të përmbushur me sukses misionin e saj e për t’u bërë një burim frymëzimi për të gjithë ata që patën mundësi ta njihnin nga afër, transmeton TCH.

Pas 23 viteve qëndrim në Shqipëri, Motër Matilde tregoi se është lidhur shumë me vendin dhe kulturën shqiptare, ndaj një pjesë e zemrës së saj do të qëndrojë gjithnjë në Shqipëri.

---