Rreth një mijë vizitorë, për dy muaj në Voskopojë

Fshati  Voskopojë i Korçës po bëhet ndër vendet më atraktive në këtë pjesë të Shqipërisë. Gjatë dy muajve të parë të vitit 2019, sipas statistikave të raportuara nga specialistët e DRKK-së, numri i vizitorëve në guidën e pesë kishave ka shkuar mbi 900. 

Vizitorët e huaj janë mahnitur nga arkitektura dhe historia që mbartin këto kisha, duke shijuar një rrugëtim mes historisë dhe kultit. E veçanta e Voskopojës janë objektet e kultit, kishat, të cilat i kanë shpëtuar rrënimit, të cilat janë monument kulture, përcjell albinfo.ch.

Po ashtu Voskopoja ruan dhe potencialin e saj turistik. Fshati, i cili ka të ndërthurur vlerat historike, kulturore dhe bukuritë natyrore, po tërheq përherë e më shumë vizitorë vendas dhe të huaj.