Rritet fluksi turistik e zgjatet koha qëndrimit

Është rritur fluksi turistik, në anën tjetër po zgjatet koha e qëndrimit.

Foto ilustrim

Turizmi ka pasur rritje të madhe edhe sezoni ka nisur shumë mirë, madje ka turistë që kthehen deri në dy herë në vit, ndërsa qëndrimi ka kapur dhe shifrën e 28 netëve në Shqipëri.

Lajmi e ka bërë të ditur për ATSH-në, Administratore e “Happy Tours”, Ilda Kasa një nga operatorët turistik në Shqipëri.

“Turizmi ka një rritje të ndjeshme. Turistët kanë shtuar netët e qëndrimit, duke mbërritur dhe në 28 net. Sezoni ka nisur që herët, që më 11 maj, kur dhe filluar të vijnë edhe çarterat e parë. Është operacion relativisht i gjatë, që ka çuar dhe në zgjatjen e sezonit, që të mendosh që ne nisëm me 63 netë , vijuam me 84 dhe sot që flasim jemi te 150 netë turizëm. Flasim një operacion që nis në 11 maji deri në mesin e tetori”, ka deklaruar Kasa.