Rritet interesimi i studentëve për të studiuar epidemiologjinë në Zvicër

(KEYSTONE/Jean-Christophe Bott)

Më shumë studentë se kurrë më parë po studiojnë epidemiologji dhe shëndetin publik në Zvicër këtë vit.

“Ne kemi parë një dyfishim të numrit të studentëve tanë të regjistruar në Certifikatën e Studimeve të Avancuara në shëndetin publik”, sipas Murielle Bochud, kreu i Departamentit të Epidemiologjisë dhe Sistemeve Shëndetësore në Unisanté. 

E njëjta situatë është vërejtur në Institutin Zviceran të Shëndetit Publik në Bazel, ku edhe numri i studentëve Master në epidemiologji është dyfishuar, shkruajnë mediat zvicerane, përcjell albinfo.ch. 

“Dy vjet më parë, nëse do të pyesnit dikë se çfarë është një epidemiolog, ai nuk do ta kishte idenë. Tani të gjithë e dinë se çfarë është”, tha Christian Lengeler, kreu i departamentit.