Rritet numri i të sëmurëve nga fruthi në Strugë

Në Strugë vazhdon të rritet numri i të prekurve nga fruthi. Së fundi janë shënuar dy raste të reja, ndërsa numri i përgjithshëm arriti në 26.

Nga spitali i Strugës thonë se dy ditët e fundit pas shpalljes së epidemisë së fruthit, është rritur edhe numri i prindërve që i sjellin fëmijët e tyre për vaksinim, përcjell albinfo.ch.

Në Strugë ditët e fundit u infektuan, gjithashtu, edhe shtatë punonjës shëndetësorë. Ndërsa, nga Qendra e Shëndetit Publik në Ohër, sigurojnë se ka vaksina të mjaftueshme.

Shkollat dhe kopshtet në Strugë u udhëzuan, që të rrisin nivelin e higjienës, të respektohen rekomandimet për dezinfektim dhe ajrosje të hapësirave, por edhe të mos pranohen fëmijë të pavaksinuar. Autoritetet shëndetësore presin që epidemia të vazhdojë të përhapet.