Rritje e çmimeve në Zvicër

Qytetarët në Zvicër do të përballen me kosto më të larta jetese në vitin 2026, pasi disa shërbime kryesore po shtrenjtohen – nga telekomunikacioni te sigurimet

Nga prilli 2026, abonimet për telefon dhe internet në Zvicër janë bërë më të shtrenjta. Kompania më e madhe e telekomunikacionit ka rritur tarifat deri në rreth 6.4%, me rritje mujore prej rreth 1.90 franga për internet dhe mobil, si dhe 0.90 franga për TV dhe linja fikse.

Por kjo nuk është e vetmja goditje për buxhetin familjar. Edhe sigurimet shëndetësore do të rriten mesatarisht me rreth 4.4% gjatë vitit 2026, duke vazhduar trendin e viteve të fundit, transmeton albinfo.ch.

Po ashtu, edhe sigurimet e automjeteve pritet të shtrenjtohen për shkak të rritjes së kostove të riparimeve dhe dëmeve nga moti ekstrem.

Ekspertët theksojnë se këto rritje janë rezultat i inflacionit, investimeve në infrastrukturë dhe kostove në rritje në sektorë kyç, ndërsa paralajmërojnë se presioni mbi koston e jetesës do të vazhdojë edhe gjatë muajve në vijim.

---