Rritje e numrit të rasteve në Zvicër: 1.548 infeksione në tri ditët e fundit

BAG nuk raporton më raste gjatë fundjavave. Kështu, numri i publikuar të hënën përfshin regjistrimet e vona nga java e kaluar dhe nga fundjava

Zyra Federale e Shëndetit Publik (BAG) ka raportuar në pasditen e sotme 1,548 raste të reja që kishin rezultuar pozitive për koronavirusin në tri ditët e fundit, shkruan srf.ch.

Siç është njoftuar tashmë, BAG nuk raporton më raste gjatë fundjavave. Kështu, numri i publikuar të hënën përfshin regjistrimet e vona nga java e kaluar dhe nga fundjava.

Mesatarja e 7 ditëve të fundit, me këtë raportim të ri arrin në 421, transmeton albinfo.ch. Kjo është 25 për qind më shumë se në javën e kaluar që tregon për një tendencë të qartë të rritjes së numrit të infeksioneve

Mesatarja e rasteve pozitive të 7 ditëve të fundit aktualisht është 4.8 për qind, ose nga 100 teste, mesatarisht 5 teste kanë rezultuar pozitive.

Numri i testeve të kryera sipas mesatares 7-ditore është 9,396 teste në ditë, që është 8 për qind më pak se javën e kaluar.

BAG ka raportuar sot edhe tri vdekje të reja nga Covid-19, përcjell albinfo.ch Pranimet në spital gjatë 7 ditëve të fundit kanë qenë 8 persona në ditë. Kjo është 10 për qind më pak se në javën e kaluar.

---