“Rruga është e lagësht dhe kishte rënë shi”, hetohen shkaqet e aksidentit

Në këtë aksident mbetën 46 persona të vdekur, një nga tragjeditë më të mëdha në vitet e fundit në Ballkan

Autobusi ka hequr rreth 50 metra të rrethojës mbrojtëse, deklaroi prefekti i Pernikut, Stanisllav Vlladimirov para gazetarëve në afërsi të vendit të fatkeqësisë, në të cilën jetën e humbën 46 persona.

Siç lajmëroi korrespondenti i MIA-s nga Sofja, sipas Vlladimirov, aksi është i lagësht. Shkaqet e fatkeqësisë mund të jenë të shumta.

“Rruga është e lagësht. Kjo pjesë ka tatëpjetë të madhe. Prej dje ka reshje të dobëta të shiut. Nuk mund të thuhet nëse shkaku është moti i ligë, por shkaqet mund të jenë të shumta”, tha Vlladimirov, përcjell albinfo.ch.

Sipas prefektit të Pernikut në Bullgari, në këtë pjesë të rrugës shpesh ndodhin fatkeqësi.

Kjo rrugë është ndër më të vështirat në Bullgari, ka denivelizim të madh dhe koncentrim të madh të komunikacionit.

---