Rusia urdhëron ushtarët: Mos përdorni TikTok!

Zyrtarët e lartë të sigurisë në Rusi kanë nisur një fushatë sensibilizuese për trupat e tyre ushtarake, duke u kërkuar që të mos përdorin TikTok-un. Arsyeja është frika e daljes së sekreteve ushtarake.

Ushtria ruse ka publikuar postera, ku shihet një ushtar që i thotë “Nyet” (Jo) një celulari me logon e TikTok-ut në të, raporton Cnn, përcjell Albinfo.ch.

Fushata vjen në mes të frikës se Rusia mund të pushtojë së shpejti Ukrainën. Sipas kryeministrit britanik, Boris Johnson, “faktet tregojnë se Rusia po planifikon luftën më të madhe në Evropë që nga viti 1945”.