Sa kushton rritja e një fëmije deri në moshën 18-vjeçare në Gjermani

Photo by: Ashton Bingham - Children happy

Referuar Entit Gjerman të Statistikave, në vitin 2018 çiftet shpenzonin mesatarisht 763 euro në muaj ose 9756 euro në vit për një fëmijë, përcjell albinfo.ch.

Theksohet se prindërit e vetëm me një fëmijë shpenzonin mesatarisht vetëm 53 euro më pak në muaj, ose gjithsej 8520 euro në vit.

Thuhet se ushqimi, veshmbathja dhe strehimi përbëjnë më shumë se gjysmën e shpenzimeve, ndërsa vetëm 15 për qind e parave shkojnë për objektet kulturore, aktivitetet e kohës së lirë dhe argëtimin. Sipas mediave gjermane, nëse familjet kanë më shumë fëmijë, kostot bien.

Me dy fëmijë shpenzimet janë 1267 euro në muaj (në vend të 1526 euro), me tre fëmijë 1770 euro (në vend të 2289 euro). Kjo ndoshta sepse disa gjëra të nevojshme për një fëmijë janë tashmë aty, të mbetura nga fëmijët më të mëdhenj.

Prindërit shpenzojnë rreth 679 euro në muaj për një fëmijë gjashtëvjeçar (8,148 euro në vit), dhe për një fëmijë dymbëdhjetë vjeç është mesatarisht 953 euro (11,436 euro në vit).

Sigurisht, këto shifra janë vetëm mesatare. Ka mënyra se si mund të kurseni para. Pajisjet e foshnjave, duke përfshirë karriget, krevat dhe karriget e fëmijës, mund të blihen të dorës së dytë, ashtu si rrobat e fëmijëve.