Sa persona të pastrehë vdesin rrugëve të Francës

Numri i të pastrehëve që vdesin në Francë është rritur ndjeshëm me gra dhe fëmijë, në mesin e atyre që zhduken në rrugët e vendit. Këto shifra të reja zbulojnë shtrirjen e problemit

612

Ky është totali zyrtar për numrin e të pastrehëve që vdiqën në Francë më 2018, përcjell albinfo.ch.

Shifra paraqet ata që jetojnë në rrugë, ose në strehëzat e urgjencës.

Në realitet, numri i vërtetë ka të ngjarë të jetë shumë më i lartë. Në fakt, autoritetet shëndetësore në Francë sugjerojnë se totali i vërtetë mund të jetë edhe gjashtë herë më i lartë.

Shpesh mund të jetë e vështirë të përcaktosh një shkak të saktë të vdekjes. Shumë njerëz të pastrehë vuajnë nga sëmundje dhe rreth 30 përqind janë të varur nga alkooli ose droga. Shkalla e vetëvrasjeve midis njerëzve të pastrehë është më e lartë se mesatarja dhe sulmet e dhunshme dhe aksidentet janë gjithashtu pas disa prej vdekjeve.

19 për qind

Kjo përfaqëson rritjen e përqindjes së numrit të vdekjeve midis 2018 dhe 2017, kur ka pasur 511 vdekje të regjistruara të personave të pastrehë.

Kjo paraqet kërcimin më të madh në vitet e fundit, por numri i vdekjeve është rritur në mënyrë të vazhdueshme që nga viti 2013, kur ka pasur 461 të regjistruar.

50 për qind

Sipas raportit, 50 për qind e të pastrehëve që vdesin e bëjnë këtë “para syve tanë”, me fjalë të tjera në rrugë me pamje të plotë të publikut, përcjell tutje albinfo.ch.

48.7

Kjo është mosha mesatare e burrave të pastrehë që vdiqën vitin e kaluar, shumë më poshtë se jetëgjatësia mesatare e Francës, që është 82 vjet.

14 për qind

Rreth 14 për qind e atyre të pastrehëve që vdesin janë nga e gjithë Evropa. Në të vërtetë, më pak se gjysma janë francezë, sipas statistikave.

Rreth 20 për qind e viktimave janë jashtë BE-së dhe 25 përqind janë regjistruar si “origjinë e panjohur”.

13

Numri i atyre që vdesin në rrugët e Francës ose në strehimore përfshijnë gjithashtu të mitur. Vitin e kaluar kishte 13 persona të pastrehë që vdiqën nën moshën 18 vjeç.

90 për qind

Ndërsa 90 për qind e viktimave janë burra, ka një numër në rritje të grave.

Midis 2013 dhe 2018, 280 gra të pastreha vdiqën në një moshë mesatare pak më shumë se 46 vjeç. Në këtë numër përfshiheshin 24 gra të reja përfshirë fëmijë nën moshën nëntë vjeç. Një e treta e atyre grave të pastreha që vdiqën ishin nëna me fëmijë të vegjël.

 

---