Scholz: Gjermania nuk tërhiqet nga mbrojtja kundër agresionit rus

Gjermania është shprehur e palëkundur në qëndrimet e saj karshi luftës në Ukrainë dhe dënimit të agresionit rus. Ajo dhe Evropa nuk do të heqin dorë nga dhënia e ndihmës për Ukrainën, e cila i referohet ndihmës politike, ekonomike, humanitare dhe armëve për Ukrainën, tha sot kancelari gjerman, Olaf Scholz.

Në një bisedë me kryeministrin ukrainas, Denis Shmyhal, në Berlin, Scholz shprehu respektin dhe vlerësimin e tij për guximin e popullit ukrainas në mbrojtjen kundër agresionit rus, tha zëdhënësi i qeverisë gjermane, Steffen Hebenstreit.

Schmihal dhe Scholz diskutuan situatën aktuale në Ukrainë, mbështetjen e qeverisë gjermane dhe iniciativat për rindërtimin e Ukrainës, veçanërisht në lidhje me konferencën e ekspertëve që do të mbahet nesër në Berlin me ftesë të Gjermanisë, si kryetare e G7-ës dhe Komisioni Evropian.