Scholz kërkon përshpejtim të normalizimit të raporteve Kosovë-Serbi

Evropa mund të jetë e plotë vetëm me Ballkanin Perëndimor si pjesë e saj. Kështu deklaroi kancelari gjerman, Olaf Scholz, në hapje të samitit të Procesit të Berlinit.

Scholz kërkoi përshpejtim në normalizimin e raporteve Kosovë-Serbi. Sipas tij, është koha që të tejkalohen konfliktet rajonale, në mënyrë që normalizimi i raporteve Kosovë-Serbi të japë rezultatet e veta.

Kancelari gjerman më tej shtoi se Procesi i Berlinit ka për qëllim të përshpejtojë integrimin evropian të të gjitha vendeve të Ballkanit. Ai tha se qytetarët e Ballkanit mund të llogarisin te Gjermania dhe ky proces për mbështetje.

Sot në Gjermani filluan takimet në kuadër të Samitit të Berlinit për Ballkanin Perëndimor.

Në këtë ngjarje, në kuadër të së cilës pritet të nënshkruhen tri marrëveshje, po merr pjesë edhe kryeministri, Albin Kurti, presidentja e Komisionit Evropian, Viola von der Leyen dhe presidenti i Këshillit Evropain, Charles Michel.