Scholz: Rusia është dëmtuar rëndë nga sanksionet, edhe pse Putin nuk e pranon

FB - Scholz

Kancelari gjerman, Olaf Scholz, deklaroi se sanksionet e Perëndimit ndaj Rusisë janë duke e dëmtuar rëndë ekonominë e saj, edhe pse presidenti Vladimir Putin nuk e pranon këtë gjë, përcjell albinfo.ch.

Sipas Scholz, Rusia nuk është një ndër vendet më të avancuara në botë dhe ka nevojë për të importuar teknologji nga të tjerët për të mbajtur një standard të lartë jete për qytetarët e saj dhe për të marrë pjesë në rritjen ekonomike globale.

Gjatë një interviste në Madrid, kancelari shtoi se ky është një dëm shumë i madh që po i bëhet Rusisë nga sanksionet, që pritet të përkeqësohet në muajt në vijim, nëse lufta në Ukrainë zgjat.