Scott kërkon nga Vuçiqi vazhdimin e dialogut dhe zbatim të marrëveshjeve

Ambasadori Amerikan në Beograd, Kyle Scott, ka kërkuar nga presidenti i Serbisë, Aleksandër Vuçiq, vazhdimin e dialogut dhe zbatimin e marrëveshjeve Beograd-Prishtinë.

Kjo është bërë e ditur nga Zyra për Informim e presidentit të Serbisë, e cila thotë se përveç interesimit për rritjen e bashkëpunimit midis dy vendeve, sidomos në rrafshin ekonomik, ata kanë biseduar edhe për nevojën e vazhdimit të dialogut Beograd-Prishtinë.

Në kumtesë thuhet se Scott dhe Vuçiq janë pajtuar që të nisë së zbatuari edhe Marrëveshja për Drejtësi dhe Marrëveshja për themelimin e Asociacionit të Komunave Serbe në Kosovë. Theksohet se ambasadori amerikan Scott ka thënë se SHBA-ja e përshëndet thirrjen e Vuçiqit për dialog të brendshëm mbi Kosovën.