Seco rrit parashikimin e rritjes ekonomike për vitin 2016

Tregtia e jashtme do të ndihmojë ekonominë zvicerane, prandaj ekonomistët kanë ngritur parashikimin e tyre të rritjes për vitin 2016 për 1, 5 për qind. „Grupi i ekspertëve është duke pritur vazhdimin e rimëkëmbjes së moderuar ekonomike në zonën e euros dhe në pjesën tjetër të botës“, njofton Sekretariati Shtetëror për Çështje Ekonomike (SECO), transmeton […]

Tregtia e jashtme do të ndihmojë ekonominë zvicerane, prandaj ekonomistët kanë ngritur parashikimin e tyre të rritjes për vitin 2016 për 1, 5 për qind.

„Grupi i ekspertëve është duke pritur vazhdimin e rimëkëmbjes së moderuar ekonomike në zonën e euros dhe në pjesën tjetër të botës“, njofton Sekretariati Shtetëror për Çështje Ekonomike (SECO), transmeton albinfo.ch.

Bazuar në këtë, mund të priten impulse pozitive edhe në Zvicër nga eksporti për një forcim të ngadaltë të rimëkëmbjes ekonomike. Rritja prej 1. 8 për qind është parashikuar për vitin 2017.

Gjatë muajit gusht kompanitë zvicerane kanë eksportuar më shumë në terma vjetorë. Vlera e eksporteve u ngjit për ditë pune prej 7.0 për qind, vëllimi i eksporteve për 1.2 për qind. Krahasuar me muajin korrik, eksportet sezonale, megjithatë kanë rënë me 0.8 për qind. Kjo rritje është nxitur sërish nga produktet kimike dhe farmaceutike.