Serbët festojnë Betejën e Kosovës

Pas lutjeve rituale në Gazimestan, prifti Atanasije Jevtiq, tha se do të luftojnë për Kosovën, "për ta çliruar atë"

Në vendin ku u mbajt Beteja e Kosovës para 629 vjetësh, në Gazimestan të Obiliqit,  janë mbledhur qindra serbë nga Kosova e Serbia për të shënuar këtë përvjetor.

Pas lutjeve rituale në Gazimestan, prifti Atanasije Jevtiq, tha se do të luftojnë për Kosovën, “për ta çliruar atë”. Ai ka thënë se në Qeverinë e Serbisë ka politikanë që frikësohen, por, sipas tij, nëse nevojitet, ata do të japin prapë jetën që të mbrojnë Kosovën.

Serbët pretendojnë se përvjetori i kësaj beteje është fitore e tyre, sepse aty u vra sulltan Murati i Turqisë, por nga kjo betejë në përgjithësi Serbia kishte dalë e mundur nga ushtria turke.