SHBA: Punëtorë në vend të bashkimit familjar

Aktualisht, 2/3-ës së 1.1 milionë njerëzve që lejohet të emigrojnë në SHBA çdo vit, i jepet qëndrim i përhershëm për shkak të lidhjeve familjare

Presidenti i Shteteve të Bashkuara, Donald Trump, tha se kërkon të ndryshojë sistemin e emigracionit, në mënyrë që të favorizojë aplikantët e rinj, të edukuar, anglisht-folës dhe të aftë për punë, në vend të njerëzve që thjeshtë kanë lidhje familjare me amerikanët.

Plani i Donald Trump, i kritikuar hapur nga demokratët dhe grupet e mbështetjes së emigracionit, synon të bashkojë republikanët përpara zgjedhjeve presidenciale dhe të kongresit të 2020-ës.

“Plani im jep lehtësi për azilkërkuesit e saktë, duke përjashtuar pretendimet e pamerituara. Nëse ke një pretendim të  duhur, atëherë do pranohesh shpejtë. Nëse demokratët nuk e pranojnë këtë plan të sigurisë të bazuar në meritokraci, atëherë do ta miratojmë menjëherë pas zgjedhjeve kur të marrim Shtëpinë e Përfaqësuesve, ruajmë Senatin dhe gjithashtu, presidencën”, u shpreh Trump, transmeton “Scan”.

Aktualisht, 2/3-ës së 1.1 milionë njerëzve që lejohet të emigrojnë në SHBA çdo vit, i jepet qëndrim i përhershëm për shkak të lidhjeve familjare, përcjell albinfo.ch.

Trump propozoi mbajtjen e numrit total të pandryshuar, por duke aplikuar një ndryshim të bazuar në meritokraci, të ngjashëm me atë të Kanadasë.  Sipas tij, ky plan do të bëjë që 57% e lejeve të përhershme të qëndrimit të bazohen në punësim dhe aftësi. Plani u zhvillua nga dhëndri i Trump, Jared Kushner, së bashku me këshilltarin e lartë, Stephen Miller,  që njihet për qasjen e ashpër ndaj emigrimit. Për të kaluar ligjin, do të duhet mbështetja e demokratëve.

---