Shënohet 100-vjetori i pavarësisë së Koresë Jugore

Koreanojugorët marshuan në rrugët e Seulit për të përkujtuar 100 vjetorin e shpalljes së pavarësisë së Koresë nga kolonizimi japonez, më 1 mars 1919.

Më shumë se 500 pjesëmarrës u panë të veshur me kostume tradicionale të Koresë së Jugut dhe duke marshuar me flamuj kombëtarë të Koresë së Jugut.

Ndërsa interpretuesit e rikthyen në vëmendje Lëvizjen e Pavarësisë, e cila ishte organizuar 100 vjet më parë. Kim Nam-hee, e cila solli djalin e saj në ceremoni, tha se Japonia ende i ka borxh Koresë së Jugut për mizoritë që i kanë shkaktuar popullit të saj, sidomos ndaj grave. “Ky organizim do të thotë shumë për mua. Janë bërë 100 vjet, por ende nuk kemi dëgjuar kërkim falje të sinqertë nga ta” tha ajo, përcjell albinfo.ch

Marrëdhëniet mes Koresë së Jugut dhe Japonisë janë përkeqësuar që nga viti i kaluar, kur Koreja e Jugut vendosi ta shpërbëjë një fond që synonte të zgjidhte kompensimin për gratë koreanojugore.  Gjykata e lartë e Koresë së Jugut gjithashtu urdhëroi firmat japoneze që të kompensonin koreanoveriorët për punën e tyre të detyruar në luftë.