Shitën drogë babai me dy fëmijët, gjykata i dënon dhe e riatdheson babain

Një kosovar është dënuar disa herë në Uster të Zvicrës për shitblerje të drogës. Përveç kësaj, 48 vjeçari qëndronte ilegalisht në vendin helvet. Gjykata vendosi që pas dënimit të tij katërvjeçar, ai të dëbohet drejt vendlindjes, shkruan nauch.ch.

Gjatë nëntorit 2017 ai kishte tentuar disa herë të transportonte drogën nga Baseli drejt Uster ZH. Dy herë kishte shitur heroinë për 1350 franga, kurse herën e tretë, përpara se të shiste heroinën prej 24.9 gramësh, ai u kap nga policia. Përpara gjykatësve të enjten, ai tha se ka bërë “gabime të mëdha” dhe se ndjehet fajtor duke kërkuar edhe falje.

“Kisha shumë borxhe dhe më mbeti mundësia e vetme të merresha me drogë,” tha ai. Gjithashtu edhe dy fëmijët e tij e kishin ndihmuar për drogë, ku tash edhe ata ndodhen në burg. Gjykata Rajonale e dënoi me katër vjet burg, kurse Prokuroria kishte kërkuar 15 vjet dëbim nga Zvicra, përcjell albinfo.ch, pasi ai nuk kishte mësuar nga gabimet.

Në 2012 ai ishte dënuar me nëntë vjet burg në Gjenevë, por u lirua me kusht tre vjet më parë.

---