Shkak i aksidentit tragjik të Bullgarisë ishte shpejtësia e madhe

EPA/VASSIL DONEV

Autoritetet hetuese në Bullgari kanë dalē me supozimet e para rreth shkaqeve që mund të kenë dërguar në aksidentin tragjik të Strumës ku humbën jetën 45 qytetarë të Maqedonisë së Veriut, shumica e të cilëve ishin shqiptarë.

Shkak i këtij aksidenti thuhet të ketë qenë shpejtësia, ka thënë drejtori i Shërbimit Kombëtar Hetimor dhe zëvendëskryeprokurori i Bullgarisë, Borislav Sarafov.

Për televizionin bullgar BNT, ai tha se shoferi i autobusit po udhëtonte me shpejtësi të papërshtatshme. Kjo siç u shpreh ai, mund të ishte edhe shkak për aksidentin tragjik.

“Shpejtësia ishte mjaft e papërshtatshme. Autobusi lëvizte me shpejtësi mbi 90 kilometra në orë. Kërkesat për një shofer profesionist të autobusit janë më të larta se për çdo shofer tjetër. Prandaj është dashur që shpejtësia të jetë e përshtatshme me kushtet, pavarësisht sinjalistikës rrugore”, deklaroi Sarafov, transmeton Albinfo.ch

Ndërkaw rreth asaj se çka e shkaktoi djegien e autobusit, Sarafov tha se presin që ekspertiza të përcaktojë. E kjo ekspertizë sipas autoriteteve bullgare do të jetë gati më 25 dhjetor.