Shkolla Verore për mësimin e gjuhës shqipe

Shkolla Verore në gjuhën shqipe dedikuar për fëmijët e mërgimtarëve

Shkolla Verore në gjuhën shqipe dedikuar për fëmijët e mërgimtarëve, të cilën Agjencia për Emigracion e organizon çdo vit, do të mbahet edhe sivjet, përcjell albinfo.ch.

Akomodimi i fëmijëve do të bëhet në një hotel në Ohër. Shpenzimet i mbulon Agjencia për Emigracion. Fëmijët duhet të jenë të moshës prej 12-16 vjeç. Mësimi do të zhvillohet një herë në ditë, paradite në kohëzgjatje prej një orë e gjysmë. Përveç mësimit klasik të gjuhës, do të mbahet edhe punëtori edukative, aktivitete sportive, ekskursione dhe vizita të vendeve më interesante në qytet. Udhëtimi deri në Ohër do të jetë në organizim të prindërve. Në Shkollën Verore mund të paraqiten 7 nxënës. Pjesëmarrës do të jenë përfaqësues nga Agjencia për Emigracion, mësimdhënës të angazhuar për mësim, kujdestarë për nxënësit dhe mjekë.  Për Programin dhe informata të tjera më të hollësishme do t’ju njoftojmë në vijim.

Ju  lutemi pjesëmarrjen tuaj të konfirmoni në adresën elektronike si vijon: nusret@minisel.gov.mk

---