Shkupi tejkalon me ndotje shumë qytete botërore

Shkupi konsiderohet si një nga qytetet më të ndotura në botë, duke tejkaluar shumë qytete tjera botërore

Deri tani, qyteti iranian Ahvaz vlerësohej si më i ndoturi në botë me 371 mikrogram PM10 pluhur në metër kub. Të dhënat janë të publikuara nga Organizata Botërore e Shëndetësisë.

Mirëpo, nga muaji i kaluar Shkupi ka arritur që të jetë në shkallën e rrezikut të lartë të ndotjes së ambientit dhe ajrit. Sipas të dhënave nga faqja zyrtare e Qytetit të Shkupit, kryeqendra rrezikon jetën e qytetarëve, me ç`rast pluhuri PM10 dhe ndotja e ajrit është regjistruar me 433 mikrogram për metër kub, njofton INA.

Shqetësimet së fundi janë rritur dhe se qytetarët janë rekomanduar për të shmangur ekspozimin e tyre në hapësira, sidomos nga rreziku i përkeqësimit të gjendjes respiratore të personave që vuajnë nga sëmundje të ndryshme.