Shpërblehet Muriqi, i trefishohet paga

Muriqi paguhet rreth 3 mijë funte në javë, ndërsa me kontratën e re paga e tij do të trefishohet, duke iu afruar madje 10 mijë funteve në javë

Manchester City nuk dëshiron t’i lëshojë talentet që llogaritë në ta, dhe njëri ndër lojtarët me të ardhshme të ndritur është edhe Arijanet Muriqi.

Portieri i Kosovës ka qenë i rregullt në Carabao Cup këtë sezon, duke dhënë kontribut të çmuar në kualifikimin e Cityt deri në gjysmëfinale, ku janë shumë afër finales.

Muriqi ka edhe dy vite kontratë me ‘Qytetarët’, megjithatë, skuadra angleze i ka ofruar një kontratë të re, përcjell albinfo.ch.

Mendohet se Muriqi paguhet rreth 3 mijë funte në javë, ndërsa me kontratën e re paga e tij do të trefishohet, duke iu afruar madje 10 mijë funteve në javë.

Arijenet Muriq u kthye nga huazimi në skuadrën holandeze NAC Breda në fillim të këtij sezoni pas lëndimit të Bravos. Rastin që iu paraqit për të treguar cilësitë e tij e shfrytëzoi në maksimum e tashmë City e konsideron portierin e së ardhmes.

---