Shpërthim në Stamboll: Së paku 11 të vdekur dhe 36 të plagosur

Shpërthimi i një makine bombë në qendër të Stambollit që ka ndodhur të të martën në mëngjes vrau të paktën njëmbëdhjetë persona dhe ka plagosur të paktën 36 të tjerë, prej të cilëve tre janë në gjendje kritike, informuan burime zyrtare, përcjell albinfo.ch.

Sipas gjetjeve të televizionit CNNTurk ekspolizivi kishte goditur një autobus me policë, ndërsa ishte aktivizuar nga distanca në një automjet të parkuar. Nga njëmbëdhjetë te vrarë shtatë ishin policë, tha guvernatori i Stambollit, Vasip Sahin.

Ai shtoi se incidenti zyrtarisht është duke u hetuar si akt terrorist.

Deri më tani asnjë nga grupet e njohura terroriste nuk e kanë marrë përgjegjësinë për këtë sulm.

Prapa sulmeve të deritanishme terroriste në Turqi ishte Shtet Islamik ISIS, të majtët radikalë turkë dhe militantë kurdë, që është e njohur për të kryer sulmet ndaj pjesëtarëve të forcave turke të sigurisë.

Dëshmitarët thanë për Reuters se janë goditur dy automjete policore. Të shtëna u dëgjuan në zonë pas shpërthimit, raporton agjencia Anadolu. Ajo ka publikuar një fotografi të policisë të armatosur në rrugë pranë vendit të shpërthimit.

Turqia këtë vit ka pësuar një varg sulmesh me bomba, duke përfshirë dy vetëvrasje në vendet turistike në Stamboll, të cilat përgjegjësinë e ka marrë Shteti Islamik ISIS, dhe dy sulme në autobusë me oficerë dhe policë në Ankara, ku përgjegjësinë e ka marrë një grup kurd militant ekstrem Hawks, fraksion kurdë për lirinë e Kurdistanit.