Shqipëri: 4.4 milionë të huaj kanë hyrë për 8 muaj

INSTAT publikoi sot shifrat e hyrjeve të shtetasve shqiptarë dhe të huaj në territorin shqiptar

Rreth 4.4 milionë shtetas të huaj kanë hyrë në Shqipëri gjatë 8-mujorit të 2021-ës, duke shënuar rritje me 2,5 herë krahasuar me të njëjtën periudhë të vitit

Numri i shtetasve të huaj të hyrë në Shqipëri gjatë 8-mujorit të 2021-ës është 4.384.072, duke u rritur me 2,5 herë, në krahasim me të njëjtën periudhë të vitit 2020, transmeton Atsh, përcjell Albinfo.ch.

Në 8-mujorin e 2021-ës vendet që kanë hyrjet më të larta të shtetasve në Shqipëri, Shtetet e Bashkuara të Amerikës ka pasur rritjen më të madhe me 4,6 herë dhe Polonia me 3,9 herë, ndërsa uljen më të ndjeshme e ka pasur Greqia me 9,2 %, krahasuar me të njëjtën periudhë të vitit 2020.

Ndërkohë, numri i shtetasve shqiptarë të dalë nga territori i Shqipërisë gjatë 8-mujorit të parë të 2021-ës është 2,856,861. Ky tregues është rritur me 47,5 %, krahasuar me të njëjtën periudhë të një viti më parë.

 

---