Lajme

Shqipëri: Dy viktima dhe 74 raste me COVID-19

E martë, 7 Korrik 2020 - 11:40 albinfo.ch

Ministria e Shëndetësisë në Shqipëri bën me dije se janë konfirmuar dy viktima të reja (45 dhe 82-vjeçare) me COVID-19, në 24 orët e fundit.

Ndërsa, nga 409 testime për të dyshuar të prekur me COVID19, 74 raste kanë rezultuar pozitivë, shkruan albinfo.ch.

Shpërndarja gjeografike e rasteve është: 37 raste në Tiranë, 10 në Durrës, 5 në Shkodër, nga 3 raste në Korçë, Kavajë, nga 2 raste në Fier, Lushnjë, Mirditë, dhe nga 1 rast përkatësisht në Elbasan, Pukë, Berat, Kamëz, Gjirokastër, Pogradec, Sarandë, Vau i Dejës, Dibër, Malësi e Madhe.

Në 24 orët e fundit janë shëruar 42 qytetarë, duke e çuar në 1744 numrin e të shëruarve që nga fillimi i epidemisë.