Shqipëri: Shkon në 23 numri i të prekurve nga koronavirusi

(Claudio Furlan/LaPresse via AP)

Ministria e Shëndetësisë ka bërë të ditur se ka shkuar në 23 numri total i personave të prekur nga koronavirusi në Shqipëri.

“Gjatë 24 orëve të fundit janë testuar 145 raste për COVID-19 dhe në total janë 298 raste të testuara. Deri në këto momente 23 raste kanë rezultuar pozitiv për COVID-19”, bën të ditur Ministria e Shëndetësisë.

5 nga personat e prekur ndodhen në Spitalin Infektiv në Tiranë (3 rastet nga i identifikuari i parë me COVID-19, një rast tjetër, 31-vjeçari me banim në Tiranë, me histori udhëtimi me Italinë dhe një grua 45-vjeçare nga Rrogozhina, me histori udhëtimi me Italinë). Gjendja e tyre deri në këto momente është e stabilizuar. Ndërsa 18 raste të tjera (në total) që kanë rezultuar pozitiv janë të vetëizoluar në shtëpi pa probleme të veçanta.

Shpërndarja e rasteve të konfirmuara me COVID-19 është si vijon:

Tiranë – 16 raste
Durrës – 3 raste (njëra prej të cilave ka ndërruar jetë)
Lushnje – 1 rast
Elbasan – 2 raste
Rrogozhinë – 1 rast

Të gjitha rastet kanë pasur histori udhëtimi me Italinë.

Dy rastet e reja të Durrësit janë pacientë që kanë pasur kontakt me spitalin, 73-vjeçaren që ndërroi jetë, por nuk kanë shenja të sëmundjes dhe janë të vetizoluar në shtëpi. Lidhur me mjekët dhe infermierët e Durrësit, 50 testet nga kampioni i parë i kryer në Durrës rezultuan negativë, shkruan A2, transmeton albinfo.ch.