Shqipëria, e dyta në finale

Sipas radhitjes, Maliqi do të këndojë e dyta në natën finale në Eurovision, që mbahet të shtunën nga ora 21:00, pas Maltës

Këngëtarja shqiptare Jonida Maliqi, ka dhuruar një paraqitje impresionuese të enjten mbrëma në gjysmëfinalen e “Eurovisionit”. Shqipëria ishte njëra ndër dhjetët shtetet që u kualifikua në finale, ashtu si edhe Zvicra dhe Maqedonia Veriore, shkruan albinfo.ch.

Maliqi ka marrë shumë komente pozitive për paraqitjen e saj në Izrael. Shqipëria ishte e treta nga nata e dytë gjysmëfinale, që u kualifikua tutje, pas Maqedonisë Veriore dhe Holandës.

Sipas radhitjes, Maliqi do të këndojë e dyta në natën finale në Eurovision, që mbahet të shtunën nga ora 21:00, pas Maltës.

Zvicra me këngëtarin Luca Hanni do të këndojë i 24-ti me radhë.

Në finalen e datës 18 maj

Gjatë gjysmëfinales së parë kanë kaluar në finale; San Marino, Greqia, Bjellorusia, Serbia, Qipro, Estonia, Republika Çeke, Australia, Sllovenia.

Nga gjysmëfinalja e dytë u kualifikuan; Maqedonia e Veriut, Holanda, Shqipëria, Suedia, Rusia, Azerbajxhani, Danimarka, Norvegjia, Zvicra dhe Malta.

Në finale, përveç 20 shteteve që kanë kaluar në fazën tjetër gjatë dy gjysmëfinaleve do të jenë edhe Izraeli,  Gjermania, Mbretëria e Bashkuar, Franca, Spanja dhe Italia.

---