Shqipëria mund Serbinë, shpallet Kampione Bote në futbollin integrues!

Shqipëria mundi Serbinë 1:0, ndërkohë që ndeshja u zhvillua shumë korrekte. Shefi i ekipit të Shqipërisë, Hamdi Rama thotë: “Ne treguam se konfliktet e të kaluarës i kemi lënë mbrapa nesh

Finalja e “Kampionatit Botëror 2016 të futbollit integrues” të Casino Austria nuk kishte si të jetë më emocionuese: Shqipëria mundi Serbinë me rezultatin 1:0, ndërkohë që ndeshja u zhvillua shumë korrekte dhe duke ndjekur në mënyrë shembullore karakterin e turneut, shkruan ots.at.

Lidhur me këtë, shefi i ekipit të Shqipërisë, Hamdi Rama thotë: “Ne treguam se konfliktet e të kaluarës i kemi lënë mbrapa nesh.

Turniri ka zgjatur rreth pesë muaj. Në të kanë marrë pjesë 159 ekipe me rreth 1500 futbollistë amatorë të etnive, feve dhe vendeve të ndryshme. Para dy vitesh UEFA e kishte nderuar këtë turnir si “Projekti më i mirë evropian i sportit masiv”, transmeton albinfo.ch. Sivjet është zhvilluar për të 11-tën herë, ndërsa finalja është luajtur të dielën, më 11 gusht në Salzburg.

Shqipëria këtu ka fituar kundër Serbisë, pasi që të dyja këto ekipe nga Salzburgu, qysh në fillim të turnirit, në muajin  maj, kishin luajtur baras.

Kupa e Turnirit do të jepet në mënyrë festive më 15 nëntor, para ndeshjes Zvicër-Sllovaki. Edhe pse quhet “Kampionat Botëror” në të marrtin pjesë vetëm ekipe nga vende të ndryshme të Austrisë. Qëllimi i organizimit është nxitja dhe promovimi i integrimit të të huajve në shoqërinë austriake.