Shqipëria synon pjesëmarrjen në Botëror

Keystone

Armand Duka, që para pak ditësh fitoi mandatin e pestë në krye të Federatës Shqiptare të Futbollit, ka thënë se kombëtarja shqiptare synon të marrë pjesë në Kampionat Botëror.

Sipas tij, Shqipëria e synon këtë kampionat që nga eliminatoret e ardhshme.

“Me atë që ka dhënë ekipi deri më sot, mendoj se i kemi të gjitha mundësitë të synojmë kampionatin Botëror. Unë mendoj që Shqipërisë i ka ardhur koha të synojë pjesëmarrjen në Botëror, duke filluar që nga fushata e ardhshme”, ka thënë Duka për “Supersport”.

Sa i përket garës për të parin e FSHF-së, ku Duka mposhti Bashkim Finon, ditë më parë, i pari i federatës ka thënë se tash ka mandat që të zhvillojë projektet e nisura por edhe të reja.