“Shqiponja dykrenare”, fjala e vitit në Zvicër

"Shqiponja dykrenare" i mposhti termet "marrëveshjen kornizë" dhe "079"

Termi që më së shumti është shqiptuar në Zvicër gjatë këtij viti, është shqiponja dykrenare. Gjesti i formimit të saj nxiti debat të nxehtë gjatë Kupës së Botës, shkruan “Blick”, përcjell Albinfo.ch.

“Shqiponja dykrenare” i mposhti termet “marrëveshjen kornizë” dhe “079”.

Fjala që më së shumti është shqiptuar në Zvicrën gjermanofolëse gjatë këtij viti është “shqiponja dykrenare” dhe gesto dell’aqulia (gjest i shqiponjës dykrenare) në Zvicrën ku flitet italishtja. Në të dyja pjesët e vendit, gjesti i dy futbollistëve shqiptarë ka prekur nervin e shoqërisë.

Në fund të qershorit, Përfaqësuesja zvicerane mundi Përfaqësuesen serbe në Kupën Botërore në Rusi; Futbollistët shqiptarë Granit Xhaka dhe Xherdan Shaqiri, golat e tyre i festuan me gjestin e shqiponjës dykrenare, e cila është vendosur në flamurin e Shqipërisë, informon Albinfo.ch.

Ky gjest, menjëherë shkaktoi debate që e tejkaluan sferën e futbollit: Polarizimi dhe përjashtimi, nacionalizmi dhe besnikëria e shtetasve të dyfishtë, shkruan tutje albinfo.ch.

“Shqiponja dykrenare u zhvendos gjerësisht në vitin 2018 dhe aterroi në jetën e përditshme të Zvicrës; debatet rreth saj do të na mbajnë të preokupojnë edhe për një kohë të gjatë”, thuhet në një deklaratë nga Universiteti i Shkencave të Aplikuara (ZHAw) të enjten, për fjalën e vitit, informon Albinfo.ch. Studiuesit e ZHAw përdorën bazën më të madhe të të dhënave në tekst në Zvicër dhe ndjenjën gjuhësore të jurisë së ekspertëve prej dhjetë personash.

---