Shqiptarët dhe e ardhmja e tyre në Zvicër

Shoqata e Studentëve Shqiptarë të Cyrihut, “Studenti” organizon një podium debati lidhur me të ardhmen e  shqiptarëve në Zvicër. Në këtë debat do të marrin pjesë politikanë të rinj shqiptarë dhe zviceranë të forumeve të të rinjve të disa partive politike të këtushme.

Cili është roli që luajnë të rinjtë shqiptarë në shoqërinë zvicerane? Si mund ta nxisim bashkëjetesën në Zvicër; Si mund të shfrytëzohet potenciali i gjeneratës së dytë dhe të tretë dhe ku qëndrojnë rreziqet e dështimit të politikës së integrimit?

Për këto dhe çështje tjera do të debatohet në bazë të inputeve nga redaktori i “Tages Anzeiger” Enver Robelli, Osman Osmani, përgjegjës për migracion në Unia dhe Qëndresa Sadriu, këshilltare e SP-së në komunën Opfikon të Cyrihut.

Në podium marrin  pjesë: Bettina Schnider – Junge CVP, Blerim Bunjaku – EVP, Egzon Zhuta – Jungfreisinnige (FDP), Elena Marti – Junge Grüne, Rafael Mörgeli – Juso Rafael Seeh – Junge SVP.