Ndalohen një shqiptar dhe një serb, transportonin ilegalisht shalqinj

Dy persona janë ndaluar në Leposaviqi nga njësiti policor, pasi që të dy po transportonin shalqinj, për të cilët nuk posedonin dokumente përcjellëse, raporton Policia e Kosovës.

Sipas Policisë, rasti i parë ka qenë ndalimi i një kombi me targa të Serbisë që drejtohej nga i dyshuari serb, ku gjatë kontrollit është vërejtur se i njëjti po bartte shalqinj (1800 kg) pa dokumentet përkatëse.

Ndërsa, tjetri rast ka qenë ndalimi i kombit që po drejtohej nga një shqiptar, i cili gjithashtu po transportonte shalqinj (2000 kg), po pa dokumente përcjellëse. Me vendim të prokurorit, mjetet me mallra janë dërguar në terminalin doganor në Mitrovicë, përcjell albinfo.ch.