I arrestuari për drogë, tenton të arratiset nga Italia në Zvicër

Përgjimet telefonike zbuluan se ai së bashku me një shqiptar tjetër në Milano, kishin qëllim për të shkuar në Zvicër, ku do të nisnin një jetë nga fillimi

Shtetasi shqiptar, Bledi Sota, 39-vjeçar është arrestuar nga policia italiane, ndaj të cilit gjykata ka vendosur masën e sigurisë “arrest me burg”, shkruan albinfo.ch.

Ai ishte ndër shqiptarët më të kërkuar në Itali është arrestuar nga policia vendase. Ndaj Sotës kishte urdhër arresti nga 25 tetori, derisa ai ishte njëri nga 22 të kërkuarit në kuadër të operacionit të koduar “Kamarina Drugs 2”.

39-vjeçari u zhduk atë ditë në zonën e Raguzës, por kërkimet nuk reshtën nga ana e policisë duke e arrestuar në provincën e Breshës.

Përgjimet telefonike zbuluan se ai së bashku me një shqiptar tjetër në Milano, kishin qëllim për të shkuar në Zvicër, ku do të nisin një jetë nga fillimi.

Policia e ka identifikuar dhe arrestuar. 39-vjeçari është dërguar në burgun San Vittore, bashkë me të arrestuar të tjetër në kuadër të këtij operacioni.