Shqiptari i prezantuar si “nipi i Günther Jauch” mashtron plakun gjerman

Dënohet me tre vjet burg pasi që ka "lehtësuar" plakun 89 vjeçar për rreth 37 mijë euro

Takimi me plakun e verbër 89 vjeçar Herbert T. për shqiptarin 42 vjeçar Enver M. ka qenë si një «e qëlluar e pyetjes milionëshe». Në fakt ai i është prezantuar plakut bë fjalë si «nipi i Günter Jauch»-ut, moderatorit të famshëm gjerman të kuizit më të madh evropian «Kush do të bëhet milioner»

Shqiptari e ka takuar plakun e pasur, ish arkitekt, pas përfundimit të operës, shkruan bild.de. Duke i ofruar ndihmë, ai e çon atë deri në shtëpinë e tij në Friedrichdorf dhe vendoset te ai.

Aq shumë besim fiton te plaku sa që fillon të banojë te ai, ia siguron një pastruese dhe madje edhe prostituta.

Para trupit gjykues ku sot i ështe kryer gjykimi, Enveri (i quajtur Ton Jauch) ka pohuar se kanë qenë «sigurisht nja 100 prostituta», që ai ia ka dërguar plakut. Ndërsa Herbert T. ka pranuar se ka pasur por jo aq shumë: «2 prostituta kanë ardhur te unë dhe të dyjave ua kam paguar nga 25 euro. Tony më ka dërguar edhe në bordel në Frankfurt por mua nuk më ka pëlqyer kjo gjë. Unë kërkoja një grua për të jetar me të».

Sidoqoftë, Tony ka ditur gjatë tërë kohës se ku gjende kartat e bankës të plakut dhe ka bërë me to çfarë ka dshur, transmeton albinfo.ch. Ka marrë, herë 50, herë 2000 euro nga baka dhe ka blerë atë që ka dëshiriar, thtë Herbert T. Gjithsej është konstatuar se ka përvetësuar 37 152,79 euro

Vetëm tre muaj më vonë plaku e merr vesh se Tony Jauch nuk është ai që prezantohej. Menjëherë ushtro kallëzim penal kundër tij.

Gjykata ka vendosur: tre vjet burg për mashtrim serik për Enverin.