Shqiptarit ia heqin gabimisht veshkën e shëndoshë

Gjatë operacionit, mjekët përveç shpretkës ia kishin heqë edhe një pjesë të pankreasit dhe veshkën e majtë, e vetmja e shëndoshë. Mjeku u dënua me 10 muaj burg

Në repartin e Kirurgjisë të spitalit Cairo Montenotte të Savonës në Itali, një shqiptar 45 vjeçar, B. Meta iu kishte nënshtrua një operacioni për heqjen e shpretkës. Por, gjatë operacionit, kirurgu Andrea Piçardo, ia kishte hekë gabimisht edhe veshkën e vetme të shëndoshë, duk e bërë shqiptarin për dializë.

Pas këtij gabimi, B.Meta e kishte paditur në Gjykatë kirurgun Piçardo, i cili edhe ishte drejtor i Kirurgjisë. Shqiptari kishte ardhur pranë familjarëve të tij, të cilët prej vitesh jetojnë në Savona, për t’u kuruar nga sëmundja e shpretkës.

Duket se gjatë operacionit, mjekët kishin parë të arsyeshme, që përveç shpretkës t’i hiqnin edhe një pjesë të pankreasit dhe veshkën e majtë, duke e lënë vetëm me veshkën e djathtë, prej vitesh e atrofizuar.

Meta u detyrua kështu të mbijetojë me dializë për nëntë muaj derisa iu transplantua një veshkë. Mirëpo ai nuk u ndal me kaq.

Siç raporton TCH, Meta paditi kirurgun për trajtim joadekuat, dhe si rezultat një gjykatë në Itali e dënoi Piçardon me 10 muaj burg për akuzën e “lëndimeve shumë të rënda fizike”.

Pas operacionit të Metës, spitali mori masa dhe e hoqi mjekun Piçardo nga puna dhe për këtë fakt kirurgu paditi spitalin në gjykatën civile. Në tetorin e shkuar, gjykata i dha të drejtë spitalit, sepse, sipas saj, Piçardo kishte bërë një “gabim të pafalshëm”, madje i kishte shkaktuar spitalit një dëmtim imazhi.

Piçardi kërkoi të gjykohej me gjyq të përshpejtuar duke ulur kështu me një të tretën dënimin e parashikuar nga vepra penale për të cilën u akuzua. Më pas vazhdoi gjyqi penal, ku doktorit iu konfirmua dënimi prej 10 muajsh.

Meqë doktori nuk kishte pasur dënime të tjera gjykata i dha pezullim me kusht të dënimit.