Shqiptohet gjoba e parë për bartjen e burkas në Ticino

Ligji i ri për sanksionimin e atyre që bartin burka është zbatuar për herë të parë në Ticino. Një mysafire nga Kuvajti kishte paguar gjobë 100 franga ngase ishte kapur me burka.

Gazeta e Ticinos “La Regione” shkruan se është gjobitur një mysafire me burka natën e shtunë – vetëm disa hapa larg nga kufiri.
Gruaja nga Kuvajti u fsheh para një restoranti. Policia deklaroi se bartja e burkas sanksionohet me një ligj në Ticino dhe se do të duhet të paguajë 100 franga.

Policia në Chiasso është më rreptë se kolegët  e tyre në Lugano. Në korrik ishin raportuar gjashtë raste, në të cilat policia kishte ndaluar gratë e mbuluara. Por, vetëm një herë ka shqiptuar një gjobë.

Ndalimi i burkas ka filluar të zbatohet që nga 1 korriku 2016. Qytetarët në Ticino kanë miratuar një iniciativë përkatëse popullore në vitin 2013, me të cilën ndalohet ndër të tjera veshja e burkas (nikabit) në vende publike.