Shtetet e BE-sē që nuk e lejojnë kalimin e rusëve nëpër territoret e tyre

Masat janë marrë në mënyrë individuale nga këto shtete, pasi vendet anëtare të Bashkimit Evropian kanë qenë të ndara sa i takon një nisme të tillë.

Vendet si Estonia Lituania dhe Letonia kanë nisur sot zbatimin e vendimit që u ndalon shtetasve rusë dhe bjellorusë aksesin në Bashkimin Evropian përmes territoreve të tyre.

Një vendim i ngjashëm ka nisur të zbatohet edhe në Poloni dhe lajmi është konfirmuar nga Ministritë e Jashtëm të të katër vendeve.

Për masën në fjalë, e marrë për shkak të pushtimit rus të Ukrainës, u ra dakord gjatë bisedimeve të zhvilluara javën e kaluar mes zyrtarëve të shteteve baltike dhe Polonisë, raporton euronews, transmeton Albinfo.ch.

Një kufizim i ngjashëm është marrë edhe nga Republika Çeke, e cila nuk do t’u lejojë më hyrjen në territorin e saj shtetasve rusë dhe bjellorusë në zotërim të një vize të rregullt Schengen.

Ndërkohë, Danimarka dhe Vendet e Ulëta kanë zgjedhur të ndërpresin lëshimin e vizave afatshkurtra për qytetarët nga këto dy vende, edhe pse nuk do të ndalojnë hyrjen e atyre që janë tashmë në posedim të një vize të rregullt.

 

 

---