Shteti ende në “terr”

Institucionet kryesore shtetërore në Maqedoni, por edhe ndërmarrjet publike, gjykatat, universitetet, nuk janë transparente me publikun për bërjen publike të dokumentave zyrtare që ato disponojnë, megjithse kuadri ligjor egziston.

Ky konkluzioni i nxjerr nga Komisionit për mbrojtjen e të drejtës për qasje të lirë deri tek informatat me karakter public, raporton INA.

Mungesa e transparencës së publikimit të vendimeve rezulton në të gjitha ministritë, edhe pse në praktikën parlamentare një gjë e tillë është detyrim ligjor i cili rrjedh nga ligjet për të drejtën e informimit të dokumenteve zyrtare.

Megjithatë siç raporton INaështë vërejtur një përmirësim i vogë. Sipas të dhënave të Komisionit për mbrojtjen e të drejtës për qasje të lirë deri tek informatat Qeveria dhe Ministria e Punëve të Brendshme kanë qenë më të hapura për dallim nga një vit më parë.

Gjatë këtij viti komisioni ka regjistruar 387 ankesa, prej të cilat në 118 raste, kanë konstatuar se institucionet e shkelin ligjin për qasje të lira tek informacionet e karakterit publik. Sipas tyre, problemi më i madh për mbylljen e këtyre institucioneve është mungesa e personave përgjegjës për publikun.

Vlerëson se qytetarët e Maqedonisë e kanë të vështirë të sigurojnë akses deri te dokumentet qeveritare, ligjet si dhe aktet normative që miratohen nga Qeveria dhe ministrit si pasoj e mungesës së transparencës.

Nga vlerësimër e organizatave joqeveritare mësohet se shumica e institucionet e nuk kanë regjistër të vecantë për kërkesat që lidhen me të drejtën e informimit. (INA)