Shteti evropian aktivizon ushtrinë, synon 4 milionë testime

Rezultatet do të jepen brenda afërsisht gjysmë ore nga marrja e një mostre

Qeveria e Sllovakisë ka përfshirë ushtrinë në një program trejavor për të testuar çdo qytetar mbi moshën 10 vjeç për koronavirus.

Testimi masiv do të zhvillohet këtë fundjavë dhe tjetrën me synimin për të arritur 4 milionë teste dhe për të izoluar ata që kanë sëmundjen.

Ushtria do të ndihmojë 20,000 personel mjekësor që punon në mijëra vende testimi. Rezultatet do të jepen brenda afërsisht gjysmë ore nga marrja e një mostre.

Njerëzit, të cilët rezultojnë pozitivë, do të kenë mundësinë e karantinës për 10 ditë në shtëpi ose të vendosen në një strukturë të siguruar nga qeveria. Ata që nuk janë të gatshëm të bëjnë testin e antigjenit, do të duhet të vetizolohen për 10 ditë ose të përballen me një gjobë prej 1,650 €, transmeton Scan, përcjell albinfo.ch.

Të gjithë të testuarit do të marrin një certifikatë dhe policia do të kryejë kontrolle në vend për të gjetur këdo që kërkon të shmangë procesin.

Ministrat kanë thënë që spitalet e vendit mund të jenë në prag të kolapsit brenda disa javësh. Numri i infeksioneve është rritur që nga fundi i verës, pasi vendi kaloi valën e parë të sëmundjes në pranverë relativisht i padëmtuar.

Kanë qenë 2.785 raste të reja të infektimit të regjistruara të mërkurën, krahasuar me 231 një muaj më parë.

---