Shteti që paguan qytetarët që izolohen

(KEYSTONE/Alexandra Wey)

Sistemi anglez për testimin dhe monitorimin e COVID-19 mundëson pagesën e mbështetjes prej rreth 550 euro për njerëzit që izolohen pasi marrin një njoftim përmes aplikacionit, u njoftua sot.

Paratë ishin tashmë në dispozicion për njerëzit që ishin urdhëruar të izolonin veten përmes një programi për gjurmimin e kontakteve përmes telefonit, postës elektronike ose mesazhit, por jo përmes një aplikacioni për shkak të anonimitetit, raporton Reuters, përcjell Albinfo.ch.

Çdo individ që merr një paralajmërim për vetë-izolim në aplikacion tani mund të regjistrojë të dhënat e tij në mënyrë që të marrë pagesa, njoftoi shërbimi.

Mbrojtja e fortë e privatësisë së përdoruesit ishte një kërkesë kryesore e vendosur nga Apple dhe Google kur ata vunë në dispozicion teknologjinë për të zhvilluar aplikacione për të gjurmuar kontaktet e njerëzve të infektuar me COVID-19.

Përdoruesit individualë nuk duhet të futin të dhëna personale kur regjistrohen për të përdorur aplikacionin, që do të thotë se kërkesat e njoftimit të vetë-izolimit të krijuara automatikisht nuk janë detyruese. Përdoruesi do të mbetet anonim pasi të marrë njoftimin nëse nuk dëshiron të kërkojë para, njoftoi shërbimi.

Ndihma financiare është krijuar si një nxitje për njerëzit që të qëndrojnë në shtëpi kur marrin rezultate pozitive të testit për COVID-19, në mënyrë që të ngadalësojnë përhapjen e virusit korona.