Shtohet numri i viktimave nga i ftohti në SHBA

(KEYSTONE/Valentin Flauraud)

Temperaturat polare që kanë mbërritur në Shtetet e Bashkuara ka bërë që 27 persona të humbin jetën dhe të anulohen mbi 2,600 fluturime, pasi gjithçka pothuajse është ngrirë.

Dy persona kanë vdekur në Detroit, Michigan, ku temperaturat kanë rënë në mënyrë drastike nga e marta, kurse parashikuesit e motit kanë paralajmëruar se ato do të bien edhe më shumë në ditët në vazhdim.

Policia ka gjetur trupin e pajetë të një burrë në një rrugë jo larg shtëpisë së tij në Detroit, transmeton Klan Kosova, shkruan KK, përcjell albinfo.ch.

Ekspertët e motit kanë thënë se temperaturat e ulëta janë shkaktuar nga lëvizja e “vorbullit polar” – një rrymë e ajrit që zakonisht sillet rreth stratosferës mbi Polin e Veriut, duke e cilësuar këtë të ftohtë si më të rëndin në dy dekadat e fundit.